1 | |
HStAOrient5a: 27r Evlādından evvel İslāma gelen Aḥmeddür. Baʿdehū Ḫudābendenüñ // oġlı Ebū Saʿīd pādişāh olub baʿdehū ʿAceme elliye qarīb // mülūk‑i ṭavāʾif ḥükm ėdüb tā yediyüz seksen birinde // Tīmūr peydā olub Devletşāh Tārīḫinde böyle yazar. // Maʿlūm ola ki Cengiz‑i bī‑temiz hicretüñ altıyüz on yedisinde // Memleket‑i Çīnden ḫurūc ėdüb Mā‑verāʾü n‑nehre ve Ḫorāsāna // seyl‑i revān gibi revān olub Sulṭān Muḥammed bin Tekiş // firār ėdüb āḫir meʾvāsı dāru l‑qarār oldı. Baʿdehū // Cengiz qatl‑i ʿāmm ve taḥrīb‑i tāmm ėtdi. Ehl‑i vuqūf eyidür: mecrā‑yi // ʿādet‑i ṭarīq üzre biñ yıl tevālüd ve tenāsül olub // āfet‑i ilāhī ėrişmese mülk‑i ʿAcem bu ʿimāreti bulmaya. Ve ittifāq // bunuñ üzerinedür ki Ṭūfān‑i Nūḥdan ṣoñra Cengiz vaqʿası // gibi aʿẓam‑i vāqiʿa olmıya. Hicretüñ altıyüz yigirmi dördinde // Cengiz helāk olub baʿdehū altıyüz elli altı senede // Tūlī bin Cengiz Ḫān oġlı Hülāgū Rūma müstevlī olub // baʿdehū Baġdāda nüzūl ėdüb. Müstaʿṣımı ve ʿıyālini qatl ėdüb // eşrāf‑i ʿulemādan bī‑ḥadd nüfūs tīġ‑i ābdārdan şerbet‑i şehādet // içdiler. Qatli ʿadd olınduqda biñ kerre biñ ve sekiz yüz kerre // biñden ziyāde oldı. Beyt: [müctes̱s̱: v – v – / v v – – / v – v – / v v –] Hanūz gufta nayāyăd za-ṣad |